url: th3diq.com/
وراك متعبن نفسك وصاير في الهوى غربال ورى ما ترجع لربك أو إنك تحتري قصفه
تحياتك ترى ضدك مسجله و مابهن جـدال كتبها اللي على كتفك وأظنك تجهل بوصفه
مزون الخير عدتنا والسبب معصيه وإهمال كريـم الجـاه يرحمنا ويشملنا ببعض عطفه
عزيز ٍ واحد ٍ عـارف ولكن بعض العرب جهّال طـوال الليل سهرانِ ٍوحيد ٍ وجــالس بغرفه
أبو مرودن عشق وحده جابت له مرض وهبال وجيت أنت على دربه وشكلك بتغرف غرفه
وصافي ا لدمع بتهله على خدك كما الهمّال وبترقى الجبل ذاتـه إذا مـا شفت لك صـرفـه
وبتجلس نفس جلساته وتخيّلها فعل رجّال و تغرغر بك شياطينك و عفريت شالك بكفه
إلى منّه كشف سرّك وحط في يدينك الأغلال توا ريت عن العـالم بعـالم و ضعت بـاللّفه
متى ما شفت لك واحد تعرفه تختفي في الحال تغيب عن ا لوعي وتصبح على طبل مع الدفه
ولولا إنك تخاف الناس حطيت صورته تمثال أ نا عارف سواليفك وأعرف المرء من هرفه
ولكنك تخاف الناس وتخاف تسولف بك الأجيال وكل إنسان يطلع لبذره وكلن يصنع لظرفه
وترى الدنيا صفت لك وقت ولكن ترجع الأحوال وتصير عند العرب صانع بعدها تعضض الشفه
وتتحسف على وقت صرت بها رجل أعمال يــاليت إنك تستغفر وتترك نـاس معتكفه
وتترك عنك الغزل وتخلع ثوبه الدسمـال ترى حالك يا محمد عند الناس منكشفـه
وش لك بالهوى دام مالك في الهـوى مدهـا ل وتركته يوم هو عافك وتقول ما أداني النكفه
أنت أصلاً الهاوي وا لغـلا في مهجتـك مـا زا ل و لكـن يوم فضحك الله رغم أنفك ورغم أنفه
تهيضت وكتبت الشعر وباحت من صدرك الأقوال بدال الغار يا محمد ياليتك تسجن بصفّه
